Venkateswara Suprabhatam

1

कौसल्या सुप्रजा राम पूर्वा सन्ध्या प्रवर्तते
उत्तिष्ठ नरशार्दूल कर्तव्यं दैवमाह्निकम्

కౌసల్యా సుప్రజా రామ పూర్వా సంధ్యా ప్రవర్తతే
ఉత్తిష్ఠ నరశార్దూల కర్తవ్యం దైవమాహ్నికమ్

kausalya supraja rama purva sandhya pravartate
uttishtha narashardula kartavyam daivamahnikam

kausalyā suprajā rāma pūrvā sandhyā pravartate
uttiṣṭha naraśārdūla kartavyaṃ daivamāhnikam

2

उत्तिष्ठोत्तिष्ठ गोविन्द उत्तिष्ठ गरुडध्वज
उत्तिष्ठ कमलाकान्त त्रैलोक्यं मङ्गलं कुरु

ఉత్తిష్ఠోత్తిష్ఠ గోవింద ఉత్తిష్ఠ గరుడధ్వజ
ఉత్తిష్ఠ కమలాకాంత త్రైలోక్యం మంగళం కురు

uttishthottishtha govinda uttishtha garudadhvaja
uttishtha kamalakanta trailokyam mangalam kuru

uttiṣṭhottiṣṭha govinda uttiṣṭha garuḍadhvaja
uttiṣṭha kamalākānta trailokyaṃ maṅgalaṃ kuru

3

मातस्समस्तजगतां मधुकैटभारेः
वक्षोविहारिणि मनोहरदिव्यमूर्ते
श्रीस्वामिनि श्रितजनप्रियदानशीले
श्रीवेङ्कटेशदयिते तव सुप्रभातम्

మాతస్సమస్తజగతాం మధుకైటభారేః
వక్షోవిహారిణి మనోహరదివ్యమూర్తే
శ్రీస్వామిని శ్రితజనప్రియదానశీలే
శ్రీవేంకటేశదయితే తవ సుప్రభాతమ్

matassamastajagatam madhukaitabhareh
vakshoviharini manoharadivyamurte
shrisvamini shritajanapriyadanashile
shrivenkateshadayite tava suprabhatam

mātassamastajagatāṃ madhukaiṭabhāreḥ
vakṣovihāriṇi manoharadivyamūrte
śrīsvāmini śritajanapriyadānaśīle
śrīveṅkaṭeśadayite tava suprabhātam

4

तव सुप्रभातमरविन्दलोचने
भवतु प्रसन्नमुखचन्द्रमण्डले
विधिशङ्करेन्द्रवनिताभिरर्चिते
वृषशैलनाथदयिते दयानिधे

తవ సుప్రభాతమరవిందలోచనే
భవతు ప్రసన్నముఖచంద్రమండలే
విధిశంకరేంద్రవనితాభిరర్చితే
వృషశైలనాథదయితే దయానిధే

tava suprabhatamaravindalochane
bhavatu prasannamukhachandramandale
vidhishankarendravanitabhirarchite
vrishashailanathadayite dayanidhe

tava suprabhātamaravindalocane
bhavatu prasannamukhacandramaṇḍale
vidhiśaṅkarendravanitābhirarcite
vṛṣaśailanāthadayite dayānidhe

5

अत्र्यादिसप्तऋषयस्समुपास्य सन्ध्यां
आकाशसिन्धुकमलानि मनोहराणि
आदाय पादयुगमर्चयितुं प्रपन्नाः
शेषाद्रिशेखर विभो तव सुप्रभातम्

అత్ర్యాదిసప్తఋషయస్సముపాస్య సంధ్యాం
ఆకాశసింధుకమలాని మనోహరాణి
ఆదాయ పాదయుగమర్చయితుం ప్రపన్నాః
శేషాద్రిశేఖర విభో తవ సుప్రభాతమ్

atryadisaptarishayassamupasya sandhyam
akashasindhukamalani manoharani
adaya padayugamarchayitum prapannah
sheshadrishekhara vibho tava suprabhatam

atryādisaptaṛṣayassamupāsya sandhyāṃ
ākāśasindhukamalāni manoharāṇi
ādāya pādayugamarcayituṃ prapannāḥ
śeṣādriśekhara vibho tava suprabhātam

6

पञ्चाननाब्जभवषण्मुखवासवाद्याः
त्रैविक्रमादिचरितं विबुधाः स्तुवन्ति
भाषापतिः पठति वासरशुद्धिमारात्
शेषाद्रिशेखर विभो तव सुप्रभातम्

పంచాననాబ్జభవషణ్ముఖవాసవాద్యాః
త్రైవిక్రమాదిచరితం విబుధాః స్తువంతి
భాషాపతిః పఠతి వాసరశుద్ధిమారాత్
శేషాద్రిశేఖర విభో తవ సుప్రభాతమ్

panchananabjabhavashanmukhavasavadyah
traivikramadicharitam vibudhah stuvanti
bhashapatih pathati vasarashuddhimarat
sheshadrishekhara vibho tava suprabhatam

pañcānanābjabhavaṣaṇmukhavāsavādyāḥ
traivikramādicaritaṃ vibudhāḥ stuvanti
bhāṣāpatiḥ paṭhati vāsaraśuddhimārāt
śeṣādriśekhara vibho tava suprabhātam

7

ईषत्प्रफुल्लसरसीरुहनारिकेल-
पूगद्रुमादिसुमनोहरपालिकानाम्
आवाति मन्दमनिलस्सह दिव्यगन्धैः
शेषाद्रिशेखर विभो तव सुप्रभातम्

ఈషత్ప్రఫుల్లసరసీరుహనారికేల-
పూగద్రుమాదిసుమనోహరపాలికానామ్
ఆవాతి మందమనిలస్సహ దివ్యగంధైః
శేషాద్రిశేఖర విభో తవ సుప్రభాతమ్

ishatpraphullasarasiruhanarikela-
pugadrumadisumanoharapalikanam
avati mandamanilassaha divyagandhaih
sheshadrishekhara vibho tava suprabhatam

īṣatpraphullasarasīruhanārikela-
pūgadrumādisumanoharapālikānām
āvāti mandamanilassaha divyagandhaiḥ
śeṣādriśekhara vibho tava suprabhātam

8

उन्मील्य नेत्रयुगमुत्तमपञ्जरस्थाः
पात्रावशिष्टकदलीफलपायसानि
भुक्त्वा सलीलमथ केलिशुकाः पठन्ति
शेषाद्रिशेखर विभो तव सुप्रभातम्

ఉన్మీల్య నేత్రయుగముత్తమపంజరస్థాః
పాత్రావశిష్టకదలీఫలపాయసాని
భుక్త్వా సలీలమథ కేలిశుకాః పఠంతి
శేషాద్రిశేఖర విభో తవ సుప్రభాతమ్

unmilya netrayugamuttamapanjarasthah
patravashishtakadaliphalapayasani
bhuktva salilamatha kelishukah pathanti
sheshadrishekhara vibho tava suprabhatam

unmīlya netrayugamuttamapañjarasthāḥ
pātrāvaśiṣṭakadalīphalapāyasāni
bhuktvā salīlamatha keliśukāḥ paṭhanti
śeṣādriśekhara vibho tava suprabhātam

9

तन्त्रीप्रकर्षमधुरस्वनया विपञ्च्या
गायत्यनन्तचरितं तव नारदोऽपि
भाषासमग्रमसकृत्करचाररम्यं
शेषाद्रिशेखर विभो तव सुप्रभातम्

తంత్రీప్రకర్షమధురస్వనయా విపంచ్యా
గాయత్యనంతచరితం తవ నారదోఽపి
భాషాసమగ్రమసకృత్కరచారరమ్యం
శేషాద్రిశేఖర విభో తవ సుప్రభాతమ్

tantriprakarshamadhurasvanaya vipanchya
gayatyanantacharitam tava naradopi
bhashasamagramasakritkarachararamyam
sheshadrishekhara vibho tava suprabhatam

tantrīprakarṣamadhurasvanayā vipañcyā
gāyatyanantacaritaṃ tava nārado'pi
bhāṣāsamagramasakṛtkaracāraramyaṃ
śeṣādriśekhara vibho tava suprabhātam

10

भृङ्गावली च मकरन्दरसानुविद्ध-
झङ्कारगीतनिनदैस्सह सेवनाय
निर्यात्युपान्तसरसीकमलोदरेभ्यः
शेषाद्रिशेखर विभो तव सुप्रभातम्

భృంగావళీ చ మకరందరసానువిద్ధ-
ఝంకారగీతనినదైస్సహ సేవనాయ
నిర్యాత్యుపాంతసరసీకమలోదరేభ్యః
శేషాద్రిశేఖర విభో తవ సుప్రభాతమ్

bhringavali cha makarandarasanuviddha-
jhankaragitaninadaissaha sevanaya
niryatyupantasarasikamalodarebhyah
sheshadrishekhara vibho tava suprabhatam

bhṛṅgāvalī ca makarandarasānuviddha-
jhaṅkāragītaninadaissaha sevanāya
niryātyupāntasarasīkamalodarebhyaḥ
śeṣādriśekhara vibho tava suprabhātam

11

योषागणेन वरदध्नि विमथ्यमाने
घोषालयेषु दधिमन्थनतीव्रघोषाः
रोषात्कलिं विदधते ककुभश्च कुम्भाः
शेषाद्रिशेखर विभो तव सुप्रभातम्

యోషాగణేన వరదధ్ని విమథ్యమానే
ఘోషాలయేషు దధిమంథనతీవ్రఘోషాః
రోషాత్కలిం విదధతే కకుభశ్చ కుంభాః
శేషాద్రిశేఖర విభో తవ సుప్రభాతమ్

yoshaganena varadadhni vimathyamane
ghoshalayeshu dadhimanthanativraghoshah
roshatkalim vidadhate kakubhashcha kumbhah
sheshadrishekhara vibho tava suprabhatam

yoṣāgaṇena varadadhni vimathyamāne
ghoṣālayeṣu dadhimanthanatīvraghoṣāḥ
roṣātkaliṃ vidadhate kakubhaśca kumbhāḥ
śeṣādriśekhara vibho tava suprabhātam

12

पद्मेशमित्रशतपत्रगतालिवर्गाः
हर्तुं श्रियं कुवलयस्य निजाङ्गलक्ष्म्या
भेरीनिनादमिव बिभ्रति तीव्रनादं
शेषाद्रिशेखर विभो तव सुप्रभातम्

పద్మేశమిత్రశతపత్రగతాలివర్గాః
హర్తుం శ్రియం కువలయస్య నిజాంగలక్ష్మ్యా
భేరీనినాదమివ బిభ్రతి తీవ్రనాదం
శేషాద్రిశేఖర విభో తవ సుప్రభాతమ్

padmeshamitrashatapatragatalivargah
hartum shriyam kuvalayasya nijangalakshmya
bherininadamiva bibhrati tivranadam
sheshadrishekhara vibho tava suprabhatam

padmeśamitraśatapatragatālivargāḥ
hartuṃ śriyaṃ kuvalayasya nijāṅgalakṣmyā
bherīninādamiva bibhrati tīvranādaṃ
śeṣādriśekhara vibho tava suprabhātam

13

श्रीमन्नभीष्टवरदाखिललोकबन्धो
श्रीश्रीनिवास जगदेकदयैकसिन्धो
श्रीदेवतागृहभुजान्तरदिव्यमूर्ते
श्रीवेङ्कटाचलपते तव सुप्रभातम्

శ్రీమన్నభీష్టవరదాఖిలలోకబంధో
శ్రీశ్రీనివాస జగదేకదయైకసింధో
శ్రీదేవతాగృహభుజాంతరదివ్యమూర్తే
శ్రీవేంకటాచలపతే తవ సుప్రభాతమ్

shrimannabhishtavaradakhilalokabandho
shrishrinivasa jagadekadayaikasindho
shridevatagrihabhujantaradivyamurte
shrivenkatachalapate tava suprabhatam

śrīmannabhīṣṭavaradākhilalokabandho
śrīśrīnivāsa jagadekadayaikasindho
śrīdevatāgṛhabhujāntaradivyamūrte
śrīveṅkaṭācalapate tava suprabhātam

14

श्रीस्वामिपुष्करिणिकाऽऽप्लवनिर्मलाङ्गाः
श्रेयोऽर्थिनो हरविरिञ्चसनन्दनाद्याः
द्वारे वसन्ति वरवेत्रहतोत्तमाङ्गाः
श्रीवेङ्कटाचलपते तव सुप्रभातम्

శ్రీస్వామిపుష్కరిణికాఽఽప్లవనిర్మలాంగాః
శ్రేయోఽర్థినో హరవిరించసనందనాద్యాః
ద్వారే వసంతి వరవేత్రహతోత్తమాంగాః
శ్రీవేంకటాచలపతే తవ సుప్రభాతమ్

shrisvamipushkarinikaplavanirmalangah
shreyorthino haravirinchasanandanadyah
dvare vasanti varavetrahatottamangah
shrivenkatachalapate tava suprabhatam

śrīsvāmipuṣkariṇikā''plavanirmalāṅgāḥ
śreyo'rthino haraviriñcasanandanādyāḥ
dvāre vasanti varavetrahatottamāṅgāḥ
śrīveṅkaṭācalapate tava suprabhātam

15

श्रीशेषशैलगरुडाचलवेङ्कटाद्रि-
नारायणाद्रिवृषभाद्रिवृषाद्रिमुख्याम्
आख्यां त्वदीयवसतेरनिशं वदन्ति
श्रीवेङ्कटाचलपते तव सुप्रभातम्

శ్రీశేషశైలగరుడాచలవేంకటాద్రి-
నారాయణాద్రివృషభాద్రివృషాద్రిముఖ్యామ్
ఆఖ్యాం త్వదీయవసతేరనిశం వదంతి
శ్రీవేంకటాచలపతే తవ సుప్రభాతమ్

shrisheshashailagarudachalavenkatadri-
narayanadrivrishabhadrivrishadrimukhyam
akhyam tvadiyavasateranisham vadanti
shrivenkatachalapate tava suprabhatam

śrīśeṣaśailagaruḍācalaveṅkaṭādri-
nārāyaṇādrivṛṣabhādrivṛṣādrimukhyām
ākhyāṃ tvadīyavasateraniśaṃ vadanti
śrīveṅkaṭācalapate tava suprabhātam

16

सेवापराः शिवसुरेशकृशानुधर्म-
रक्षोऽम्बुनाथपवमानधनाधिनाथाः
बद्धाञ्जलिप्रविलसन्निजशीर्षदेशाः
श्रीवेङ्कटाचलपते तव सुप्रभातम्

సేవాపరాః శివసురేశకృశానుధర్మ-
రక్షోఽంబునాథపవమానధనాధినాథాః
బద్ధాంజలిప్రవిలసన్నిజశీర్షదేశాః
శ్రీవేంకటాచలపతే తవ సుప్రభాతమ్

sevaparah shivasureshakrishanudharma-
rakshombunathapavamanadhanadhinathah
baddhanjalipravilasannijashirshadeshah
shrivenkatachalapate tava suprabhatam

sevāparāḥ śivasureśakṛśānudharma-
rakṣo'mbunāthapavamānadhanādhināthāḥ
baddhāñjalipravilasannijaśīrṣadeśāḥ
śrīveṅkaṭācalapate tava suprabhātam

17

धाटीषु ते विहगराजमृगाधिराज-
नागाधिराजगजराजहयाधिराजाः
स्वस्वाधिकारमहिमादिकमर्थयन्ते
श्रीवेङ्कटाचलपते तव सुप्रभातम्

ధాటీషు తే విహగరాజమృగాధిరాజ-
నాగాధిరాజగజరాజహయాధిరాజాః
స్వస్వాధికారమహిమాదికమర్థయంతే
శ్రీవేంకటాచలపతే తవ సుప్రభాతమ్

dhatishu te vihagarajamrigadhiraja-
nagadhirajagajarajahayadhirajah
svasvadhikaramahimadikamarthayante
shrivenkatachalapate tava suprabhatam

dhāṭīṣu te vihagarājamṛgādhirāja-
nāgādhirājagajarājahayādhirājāḥ
svasvādhikāramahimādikamarthayante
śrīveṅkaṭācalapate tava suprabhātam

18

सूर्येन्दुभौमबुधवाक्पतिकाव्यसौरि-
स्वर्भानुकेतुदिविषत्परिषत्प्रधानाः
त्वद्दासदासचरमावधिदासदासाः
श्रीवेङ्कटाचलपते तव सुप्रभातम्

సూర్యేందుభౌమబుధవాక్పతికావ్యసౌరి-
స్వర్భానుకేతుదివిషత్పరిషత్ప్రధానాః
త్వద్దాసదాసచరమావధిదాసదాసాః
శ్రీవేంకటాచలపతే తవ సుప్రభాతమ్

suryendubhaumabudhavakpatikavyasauri-
svarbhanuketudivishatparishatpradhanah
tvaddasadasacharamavadhidasadasah
shrivenkatachalapate tava suprabhatam

sūryendubhaumabudhavākpatikāvyasauri-
svarbhānuketudiviṣatpariṣatpradhānāḥ
tvaddāsadāsacaramāvadhidāsadāsāḥ
śrīveṅkaṭācalapate tava suprabhātam

19

त्वत्पादधूलिभरितस्फुरितोत्तमाङ्गाः
स्वर्गापवर्गनिरपेक्षनिजान्तरङ्गाः
कल्पागमाकलनयाऽऽकुलतां लभन्ते
श्रीवेङ्कटाचलपते तव सुप्रभातम्

త్వత్పాదధూళిభరితస్ఫురితోత్తమాంగాః
స్వర్గాపవర్గనిరపేక్షనిజాంతరంగాః
కల్పాగమాకలనయాఽఽకులతాం లభంతే
శ్రీవేంకటాచలపతే తవ సుప్రభాతమ్

tvatpadadhulibharitasphuritottamangah
svargapavarganirapekshanijantarangah
kalpagamakalanayakulatam labhante
shrivenkatachalapate tava suprabhatam

tvatpādadhūlibharitasphuritottamāṅgāḥ
svargāpavarganirapekṣanijāntaraṅgāḥ
kalpāgamākalanayā''kulatāṃ labhante
śrīveṅkaṭācalapate tava suprabhātam

20

त्वद्गोपुराग्रशिखराणि निरीक्षमाणाः
स्वर्गापवर्गपदवीं परमां श्रयन्तः
मर्त्या मनुष्यभुवने मतिमाश्रयन्ते
श्रीवेङ्कटाचलपते तव सुप्रभातम्

త్వద్గోపురాగ్రశిఖరాణి నిరీక్షమాణాః
స్వర్గాపవర్గపదవీం పరమాం శ్రయంతః
మర్త్యా మనుష్యభువనే మతిమాశ్రయంతే
శ్రీవేంకటాచలపతే తవ సుప్రభాతమ్

tvadgopuragrashikharani nirikshamanah
svargapavargapadavim paramam shrayantah
martya manushyabhuvane matimashrayante
shrivenkatachalapate tava suprabhatam

tvadgopurāgraśikharāṇi nirīkṣamāṇāḥ
svargāpavargapadavīṃ paramāṃ śrayantaḥ
martyā manuṣyabhuvane matimāśrayante
śrīveṅkaṭācalapate tava suprabhātam

21

श्रीभूमिनायक दयादिगुणामृताब्धे
देवाधिदेव जगदेकशरण्यमूर्ते
श्रीमन्ननन्तगरुडादिभिरर्चिताङ्घ्रे
श्रीवेङ्कटाचलपते तव सुप्रभातम्

శ్రీభూమినాయక దయాదిగుణామృతాబ్ధే
దేవాధిదేవ జగదేకశరణ్యమూర్తే
శ్రీమన్ననంతగరుడాదిభిరర్చితాంఘ్రే
శ్రీవేంకటాచలపతే తవ సుప్రభాతమ్

shribhuminayaka dayadigunamritabdhe
devadhideva jagadekasharanyamurte
shrimannanantagarudadibhirarchitanghre
shrivenkatachalapate tava suprabhatam

śrībhūmināyaka dayādiguṇāmṛtābdhe
devādhideva jagadekaśaraṇyamūrte
śrīmannanantagaruḍādibhirarcitāṅghre
śrīveṅkaṭācalapate tava suprabhātam

22

श्रीपद्मनाभ पुरुषोत्तम वासुदेव
वैकुण्ठ माधव जनार्दन चक्रपाणे
श्रीवत्सचिह्न शरणागतपारिजात
श्रीवेङ्कटाचलपते तव सुप्रभातम्

శ్రీపద్మనాభ పురుషోత్తమ వాసుదేవ
వైకుంఠ మాధవ జనార్దన చక్రపాణే
శ్రీవత్సచిహ్న శరణాగతపారిజాత
శ్రీవేంకటాచలపతే తవ సుప్రభాతమ్

shripadmanabha purushottama vasudeva
vaikuntha madhava janardana chakrapane
shrivatsachihna sharanagataparijata
shrivenkatachalapate tava suprabhatam

śrīpadmanābha puruṣottama vāsudeva
vaikuṇṭha mādhava janārdana cakrapāṇe
śrīvatsacihna śaraṇāgatapārijāta
śrīveṅkaṭācalapate tava suprabhātam

23

कन्दर्पदर्पहरसुन्दरदिव्यमूर्ते
कान्ताकुचाम्बुरुहकुड्मललोलदृष्टे
कल्याणनिर्मलगुणाकरदिव्यकीर्ते
श्रीवेङ्कटाचलपते तव सुप्रभातम्

కందర్పదర్పహరసుందరదివ్యమూర్తే
కాంతాకుచాంబురుహకుడ్మలలోలదృష్టే
కల్యాణనిర్మలగుణాకరదివ్యకీర్తే
శ్రీవేంకటాచలపతే తవ సుప్రభాతమ్

kandarpadarpaharasundaradivyamurte
kantakuchamburuhakudmalaloladrishte
kalyananirmalagunakaradivyakirte
shrivenkatachalapate tava suprabhatam

kandarpadarpaharasundaradivyamūrte
kāntākucāmburuhakuḍmalaloladṛṣṭe
kalyāṇanirmalaguṇākaradivyakīrte
śrīveṅkaṭācalapate tava suprabhātam

24

मीनाकृते कमठ कोल नृसिंह वर्णिन्
स्वामिन् परश्वथतपोधन रामचन्द्र
शेषांशराम यदुनन्दन कल्किरूप
श्रीवेङ्कटाचलपते तव सुप्रभातम्

మీనాకృతే కమఠ కోల నృసింహ వర్ణిన్
స్వామిన్ పరశ్వథతపోధన రామచంద్ర
శేషాంశరామ యదునందన కల్కిరూప
శ్రీవేంకటాచలపతే తవ సుప్రభాతమ్

minakrite kamatha kola nrisinha varnin
svamin parashvathatapodhana ramachandra
sheshansharama yadunandana kalkirupa
shrivenkatachalapate tava suprabhatam

mīnākṛte kamaṭha kola nṛsiṃha varṇin
svāmin paraśvathatapodhana rāmacandra
śeṣāṃśarāma yadunandana kalkirūpa
śrīveṅkaṭācalapate tava suprabhātam

25

एलालवङ्गघनसारसुगन्धतीर्थं
दिव्यं वियत्सरिति हेमघटेषु पूर्णम्
धृत्वाऽद्य वैदिकशिखामणयः प्रहृष्टाः
तिष्ठन्ति वेङ्कटपते तव सुप्रभातम्

ఏలాలవంగఘనసారసుగంధతీర్థం
దివ్యం వియత్సరితి హేమఘటేషు పూర్ణమ్
ధృత్వాఽద్య వైదికశిఖామణయః ప్రహృష్టాః
తిష్ఠంతి వేంకటపతే తవ సుప్రభాతమ్

elalavangaghanasarasugandhatirtham
divyam viyatsariti hemaghateshu purnam
dhritvadya vaidikashikhamanayah prahrishtah
tishthanti venkatapate tava suprabhatam

elālavaṅgaghanasārasugandhatīrthaṃ
divyaṃ viyatsariti hemaghaṭeṣu pūrṇam
dhṛtvā'dya vaidikaśikhāmaṇayaḥ prahṛṣṭāḥ
tiṣṭhanti veṅkaṭapate tava suprabhātam

26

भास्वानुदेति विकचानि सरोरुहाणि
सम्पूरयन्ति निनदैः ककुभो विहङ्गाः
श्रीवैष्णवास्सततमर्थितमङ्गलास्ते
धामाश्रयन्ति तव वेङ्कट सुप्रभातम्

భాస్వానుదేతి వికచాని సరోరుహాణి
సంపూరయంతి నినదైః కకుభో విహంగాః
శ్రీవైష్ణవాస్సతతమర్థితమంగళాస్తే
ధామాశ్రయంతి తవ వేంకట సుప్రభాతమ్

bhasvanudeti vikachani saroruhani
sampurayanti ninadaih kakubho vihangah
shrivaishnavassatatamarthitamangalaste
dhamashrayanti tava venkata suprabhatam

bhāsvānudeti vikacāni saroruhāṇi
sampūrayanti ninadaiḥ kakubho vihaṅgāḥ
śrīvaiṣṇavāssatatamarthitamaṅgalāste
dhāmāśrayanti tava veṅkaṭa suprabhātam

27

ब्रह्मादयस्सुरवरास्समहर्षयस्ते
सन्तस्सनन्दनमुखास्त्वथ योगिवर्याः
धामान्तिके तव हि मङ्गलवस्तुहस्ताः
श्रीवेङ्कटाचलपते तव सुप्रभातम्

బ్రహ్మాదయస్సురవరాస్సమహర్షయస్తే
సంతస్సనందనముఖాస్త్వథ యోగివర్యాః
ధామాంతికే తవ హి మంగళవస్తుహస్తాః
శ్రీవేంకటాచలపతే తవ సుప్రభాతమ్

brahmadayassuravarassamaharshayaste
santassanandanamukhastvatha yogivaryah
dhamantike tava hi mangalavastuhastah
shrivenkatachalapate tava suprabhatam

brahmādayassuravarāssamaharṣayaste
santassanandanamukhāstvatha yogivaryāḥ
dhāmāntike tava hi maṅgalavastuhastāḥ
śrīveṅkaṭācalapate tava suprabhātam

28

लक्ष्मीनिवास निरवद्यगुणैकसिन्धो
संसारसागरसमुत्तरणैकसेतो
वेदान्तवेद्यनिजवैभव भक्तभोग्य
श्रीवेङ्कटाचलपते तव सुप्रभातम्

లక్ష్మీనివాస నిరవద్యగుణైకసింధో
సంసారసాగరసముత్తరణైకసేతో
వేదాంతవేద్యనిజవైభవ భక్తభోగ్య
శ్రీవేంకటాచలపతే తవ సుప్రభాతమ్

lakshminivasa niravadyagunaikasindho
sansarasagarasamuttaranaikaseto
vedantavedyanijavaibhava bhaktabhogya
shrivenkatachalapate tava suprabhatam

lakṣmīnivāsa niravadyaguṇaikasindho
saṃsārasāgarasamuttaraṇaikaseto
vedāntavedyanijavaibhava bhaktabhogya
śrīveṅkaṭācalapate tava suprabhātam

29

इत्थं वृषाचलपतेरिह सुप्रभातं
ये मानवाः प्रतिदिनं पठितुं प्रवृत्ताः
तेषां प्रभातसमये स्मृतिरङ्गभाजां
प्रज्ञां परार्थसुलभां परमां प्रसूते

ఇత్థం వృషాచలపతేరిహ సుప్రభాతం
యే మానవాః ప్రతిదినం పఠితుం ప్రవృత్తాః
తేషాం ప్రభాతసమయే స్మృతిరంగభాజాం
ప్రజ్ఞాం పరార్థసులభాం పరమాం ప్రసూతే

ittham vrishachalapateriha suprabhatam
ye manavah pratidinam pathitum pravrittah
tesham prabhatasamaye smritirangabhajam
prajnam pararthasulabham paramam prasute

itthaṃ vṛṣācalapateriha suprabhātaṃ
ye mānavāḥ pratidinaṃ paṭhituṃ pravṛttāḥ
teṣāṃ prabhātasamaye smṛtiraṅgabhājāṃ
prajñāṃ parārthasulabhāṃ paramāṃ prasūte

1

कमलाकुचचूचुककुङ्कुमतो
नियतारुणितातुलनीलतनो
कमलायतलोचन लोकपते
विजयीभव वेङ्कटशैलपते

కమలాకుచచూచుకకుంకుమతో
నియతారుణితాతులనీలతనో
కమలాయతలోచన లోకపతే
విజయీభవ వేంకటశైలపతే

kamalakuchachuchukakunkumato
niyatarunitatulanilatano
kamalayatalochana lokapate
vijayibhava venkatashailapate

kamalākucacūcukakuṅkumato
niyatāruṇitātulanīlatano
kamalāyatalocana lokapate
vijayībhava veṅkaṭaśailapate

2

सचतुर्मुखषण्मुखपञ्चमुख
प्रमुखाखिलदैवतमौलिमणे
शरणागतवत्सल सारनिधे
परिपालय मां वृषशैलपते

సచతుర్ముఖషణ్ముఖపంచముఖ
ప్రముఖాఖిలదైవతమౌళిమణే
శరణాగతవత్సల సారనిధే
పరిపాలయ మాం వృషశైలపతే

sachaturmukhashanmukhapanchamukha
pramukhakhiladaivatamaulimane
sharanagatavatsala saranidhe
paripalaya mam vrishashailapate

sacaturmukhaṣaṇmukhapañcamukha
pramukhākhiladaivatamaulimaṇe
śaraṇāgatavatsala sāranidhe
paripālaya māṃ vṛṣaśailapate

3

अतिवेलतया तव दुर्विषहै-
-रनुवेलकृतैरपराधशतैः
भरितं त्वरितं वृषशैलपते
परया कृपया परिपाहि हरे

అతివేలతయా తవ దుర్విషహై-
-రనువేలకృతైరపరాధశతైః
భరితం త్వరితం వృషశైలపతే
పరయా కృపయా పరిపాహి హరే

ativelataya tava durvishahai-
-ranuvelakritairaparadhashataih
bharitam tvaritam vrishashailapate
paraya kripaya paripahi hare

ativelatayā tava durviṣahai-
-ranuvelakṛtairaparādhaśataiḥ
bharitaṃ tvaritaṃ vṛṣaśailapate
parayā kṛpayā paripāhi hare

4

अधिवेङ्कटशैलमुदारमते-
-र्जनताभिमताधिकदानरतात्
परदेवतया गदितान्निगमैः
कमलादयितान्न परं कलये

అధివేంకటశైలముదారమతే-
-ర్జనతాభిమతాధికదానరతాత్
పరదేవతయా గదితాన్నిగమైః
కమలాదయితాన్న పరం కలయే

adhivenkatashailamudaramate-
-rjanatabhimatadhikadanaratat
paradevataya gaditannigamaih
kamaladayitanna param kalaye

adhiveṅkaṭaśailamudāramate-
-rjanatābhimatādhikadānaratāt
paradevatayā gaditānnigamaiḥ
kamalādayitānna paraṃ kalaye

5

कलवेणुरवावशगोपवधू-
-शतकोटिवृतात्स्मरकोटिसमात्
प्रतिवल्लविकाभिमतात्सुखदात्
वसुदेवसुतान्न परं कलये

కలవేణురవావశగోపవధూ-
-శతకోటివృతాత్స్మరకోటిసమాత్
ప్రతివల్లవికాభిమతాత్సుఖదాత్
వసుదేవసుతాన్న పరం కలయే

kalavenuravavashagopavadhu-
-shatakotivritatsmarakotisamat
prativallavikabhimatatsukhadat
vasudevasutanna param kalaye

kalaveṇuravāvaśagopavadhū-
-śatakoṭivṛtātsmarakoṭisamāt
prativallavikābhimatātsukhadāt
vasudevasutānna paraṃ kalaye

6

अभिरामगुणाकर दाशरथे
जगदेकधनुर्धर धीरमते
रघुनायक राम रमेश विभो
वरदो भव देव दयाजलधे

అభిరామగుణాకర దాశరథే
జగదేకధనుర్ధర ధీరమతే
రఘునాయక రామ రమేశ విభో
వరదో భవ దేవ దయాజలధే

abhiramagunakara dasharathe
jagadekadhanurdhara dhiramate
raghunayaka rama ramesha vibho
varado bhava deva dayajaladhe

abhirāmaguṇākara dāśarathe
jagadekadhanurdhara dhīramate
raghunāyaka rāma rameśa vibho
varado bhava deva dayājaladhe

7

अवनीतनया कमनीयकरं
रजनीकरचारुमुखाम्बुरुहम्
रजनीचरराजतमोमिहिरं
महनीयमहं रघुराममये

అవనీతనయా కమనీయకరం
రజనీకరచారుముఖాంబురుహమ్
రజనీచరరాజతమోమిహిరం
మహనీయమహం రఘురామమయే

avanitanaya kamaniyakaram
rajanikaracharumukhamburuham
rajanichararajatamomihiram
mahaniyamaham raghuramamaye

avanītanayā kamanīyakaraṃ
rajanīkaracārumukhāmburuham
rajanīcararājatamomihiraṃ
mahanīyamahaṃ raghurāmamaye

8

सुमुखं सुहृदं सुलभं सुखदं
स्वनुजं च सुकायममोघशरम्
अपहाय रघूद्वहमन्यमहं
न कथञ्चन कञ्चन जातु भजे

సుముఖం సుహృదం సులభం సుఖదం
స్వనుజం చ సుకాయమమోఘశరమ్
అపహాయ రఘూద్వహమన్యమహం
న కథంచన కంచన జాతు భజే

sumukham suhridam sulabham sukhadam
svanujam cha sukayamamoghasharam
apahaya raghudvahamanyamaham
na kathanchana kanchana jatu bhaje

sumukhaṃ suhṛdaṃ sulabhaṃ sukhadaṃ
svanujaṃ ca sukāyamamoghaśaram
apahāya raghūdvahamanyamahaṃ
na kathañcana kañcana jātu bhaje

9

विना वेङ्कटेशं न नाथो न नाथः
सदा वेङ्कटेशं स्मरामि स्मरामि
हरे वेङ्कटेश प्रसीद प्रसीद
प्रियं वेङ्कटेश प्रयच्छ प्रयच्छ

వినా వేంకటేశం న నాథో న నాథః
సదా వేంకటేశం స్మరామి స్మరామి
హరే వేంకటేశ ప్రసీద ప్రసీద
ప్రియం వేంకటేశ ప్రయచ్ఛ ప్రయచ్ఛ

vina venkatesham na natho na nathah
sada venkatesham smarami smarami
hare venkatesha prasida prasida
priyam venkatesha prayachchha prayachchha

vinā veṅkaṭeśaṃ na nātho na nāthaḥ
sadā veṅkaṭeśaṃ smarāmi smarāmi
hare veṅkaṭeśa prasīda prasīda
priyaṃ veṅkaṭeśa prayaccha prayaccha

10

अहं दूरतस्ते पदाम्भोजयुग्म-
-प्रणामेच्छयाऽऽगत्य सेवां करोमि
सकृत्सेवया नित्यसेवाफलं त्वं
प्रयच्छ प्रयच्छ प्रभो वेङ्कटेश

అహం దూరతస్తే పదాంభోజయుగ్మ-
-ప్రణామేచ్ఛయాఽఽగత్య సేవాం కరోమి
సకృత్సేవయా నిత్యసేవాఫలం త్వం
ప్రయచ్ఛ ప్రయచ్ఛ ప్రభో వేంకటేశ

aham durataste padambhojayugma-
-pranamechchhayagatya sevam karomi
sakritsevaya nityasevaphalam tvam
prayachchha prayachchha prabho venkatesha

ahaṃ dūrataste padāmbhojayugma-
-praṇāmecchayā''gatya sevāṃ karomi
sakṛtsevayā nityasevāphalaṃ tvaṃ
prayaccha prayaccha prabho veṅkaṭeśa

11

अज्ञानिना मया दोषानशेषान्विहितान् हरे
क्षमस्व त्वं क्षमस्व त्वं शेषशैलशिखामणे

అజ్ఞానినా మయా దోషానశేషాన్విహితాన్ హరే
క్షమస్వ త్వం క్షమస్వ త్వం శేషశైలశిఖామణే

ajnanina maya doshanasheshanvihitan hare
kshamasva tvam kshamasva tvam sheshashailashikhamane

ajñāninā mayā doṣānaśeṣānvihitān hare
kṣamasva tvaṃ kṣamasva tvaṃ śeṣaśailaśikhāmaṇe

1

ईशानां जगतोऽस्य वेङ्कटपतेर्विष्णोः परां प्रेयसीं
तद्वक्षःस्थलनित्यवासरसिकां तत्‍क्षान्तिसंवर्धिनीम्
पद्मालङ्कृतपाणिपल्लवयुगां पद्मासनस्थां श्रियं
वात्सल्यादिगुणोज्ज्वलां भगवतीं वन्दे जगन्मातरम्

ఈశానాం జగతోఽస్య వేంకటపతేర్విష్ణోః పరాం ప్రేయసీం
తద్వక్షఃస్థలనిత్యవాసరసికాం తత్‍క్షాంతిసంవర్ధినీమ్
పద్మాలంకృతపాణిపల్లవయుగాం పద్మాసనస్థాం శ్రియం
వాత్సల్యాదిగుణోజ్జ్వలాం భగవతీం వందే జగన్మాతరమ్

ishanam jagatosya venkatapatervishnoh param preyasim
tadvakshahsthalanityavasarasikam tatkshantisanvardhinim
padmalankritapanipallavayugam padmasanastham shriyam
vatsalyadigunojjvalam bhagavatim vande jaganmataram

īśānāṃ jagato'sya veṅkaṭapaterviṣṇoḥ parāṃ preyasīṃ
tadvakṣaḥsthalanityavāsarasikāṃ tat‍kṣāntisaṃvardhinīm
padmālaṅkṛtapāṇipallavayugāṃ padmāsanasthāṃ śriyaṃ
vātsalyādiguṇojjvalāṃ bhagavatīṃ vande jaganmātaram

2

श्रीमन् कृपाजलनिधे कृतसर्वलोक
सर्वज्ञ शक्त नतवत्सल सर्वशेषिन्
स्वामिन् सुशील सुलभाश्रितपारिजात
श्रीवेङ्कटेशचरणौ शरणं प्रपद्ये

శ్రీమన్ కృపాజలనిధే కృతసర్వలోక
సర్వజ్ఞ శక్త నతవత్సల సర్వశేషిన్
స్వామిన్ సుశీల సులభాశ్రితపారిజాత
శ్రీవేంకటేశచరణౌ శరణం ప్రపద్యే

shriman kripajalanidhe kritasarvaloka
sarvajna shakta natavatsala sarvasheshin
svamin sushila sulabhashritaparijata
shrivenkateshacharanau sharanam prapadye

śrīman kṛpājalanidhe kṛtasarvaloka
sarvajña śakta natavatsala sarvaśeṣin
svāmin suśīla sulabhāśritapārijāta
śrīveṅkaṭeśacaraṇau śaraṇaṃ prapadye

3

आनूपुरार्पितसुजातसुगन्धिपुष्प-
-सौरभ्यसौरभकरौ समसन्निवेशौ
सौम्यौ सदानुभवनेऽपि नवानुभाव्यौ
श्रीवेङ्कटेशचरणौ शरणं प्रपद्ये

ఆనూపురార్పితసుజాతసుగంధిపుష్ప-
-సౌరభ్యసౌరభకరౌ సమసన్నివేశౌ
సౌమ్యౌ సదానుభవనేఽపి నవానుభావ్యౌ
శ్రీవేంకటేశచరణౌ శరణం ప్రపద్యే

anupurarpitasujatasugandhipushpa-
-saurabhyasaurabhakarau samasanniveshau
saumyau sadanubhavanepi navanubhavyau
shrivenkateshacharanau sharanam prapadye

ānūpurārpitasujātasugandhipuṣpa-
-saurabhyasaurabhakarau samasanniveśau
saumyau sadānubhavane'pi navānubhāvyau
śrīveṅkaṭeśacaraṇau śaraṇaṃ prapadye

4

सद्योविकासिसमुदित्वरसान्द्रराग-
-सौरभ्यनिर्भरसरोरुहसाम्यवार्ताम्
सम्यक्षु साहसपदेषु विलेखयन्तौ
श्रीवेङ्कटेशचरणौ शरणं प्रपद्ये

సద్యోవికాసిసముదిత్వరసాంద్రరాగ-
-సౌరభ్యనిర్భరసరోరుహసామ్యవార్తామ్
సమ్యక్షు సాహసపదేషు విలేఖయంతౌ
శ్రీవేంకటేశచరణౌ శరణం ప్రపద్యే

sadyovikasisamuditvarasandraraga-
-saurabhyanirbharasaroruhasamyavartam
samyakshu sahasapadeshu vilekhayantau
shrivenkateshacharanau sharanam prapadye

sadyovikāsisamuditvarasāndrarāga-
-saurabhyanirbharasaroruhasāmyavārtām
samyakṣu sāhasapadeṣu vilekhayantau
śrīveṅkaṭeśacaraṇau śaraṇaṃ prapadye

5

रेखामयध्वजसुधाकलशातपत्र-
-वज्राङ्कुशाम्बुरुहकल्पकशङ्खचक्रैः
भव्यैरलङ्कृततलौ परतत्त्वचिह्नैः
श्रीवेङ्कटेशचरणौ शरणं प्रपद्ये

రేఖామయధ్వజసుధాకలశాతపత్ర-
-వజ్రాంకుశాంబురుహకల్పకశంఖచక్రైః
భవ్యైరలంకృతతలౌ పరతత్త్వచిహ్నైః
శ్రీవేంకటేశచరణౌ శరణం ప్రపద్యే

rekhamayadhvajasudhakalashatapatra-
-vajrankushamburuhakalpakashankhachakraih
bhavyairalankritatalau paratattvachihnaih
shrivenkateshacharanau sharanam prapadye

rekhāmayadhvajasudhākalaśātapatra-
-vajrāṅkuśāmburuhakalpakaśaṅkhacakraiḥ
bhavyairalaṅkṛtatalau paratattvacihnaiḥ
śrīveṅkaṭeśacaraṇau śaraṇaṃ prapadye

6

ताम्रोदरद्युतिपराजितपद्मरागौ
बाह्यैर्महोभिरभिभूतमहेन्द्रनीलौ
उद्यन्नखांशुभिरुदस्तशशाङ्कभासौ
श्रीवेङ्कटेशचरणौ शरणं प्रपद्ये

తామ్రోదరద్యుతిపరాజితపద్మరాగౌ
బాహ్యైర్మహోభిరభిభూతమహేంద్రనీలౌ
ఉద్యన్నఖాంశుభిరుదస్తశశాంకభాసౌ
శ్రీవేంకటేశచరణౌ శరణం ప్రపద్యే

tamrodaradyutiparajitapadmaragau
bahyairmahobhirabhibhutamahendranilau
udyannakhanshubhirudastashashankabhasau
shrivenkateshacharanau sharanam prapadye

tāmrodaradyutiparājitapadmarāgau
bāhyairmahobhirabhibhūtamahendranīlau
udyannakhāṃśubhirudastaśaśāṅkabhāsau
śrīveṅkaṭeśacaraṇau śaraṇaṃ prapadye

7

सप्रेमभीति कमलाकरपल्लवाभ्यां
संवाहनेऽपि सपदि क्लममादधानौ
कान्ताववाङ्मनसगोचरसौकुमार्यौ
श्रीवेङ्कटेशचरणौ शरणं प्रपद्ये

సప్రేమభీతి కమలాకరపల్లవాభ్యాం
సంవాహనేఽపి సపది క్లమమాదధానౌ
కాంతావవాఙ్మనసగోచరసౌకుమార్యౌ
శ్రీవేంకటేశచరణౌ శరణం ప్రపద్యే

sapremabhiti kamalakarapallavabhyam
sanvahanepi sapadi klamamadadhanau
kantavavanmanasagocharasaukumaryau
shrivenkateshacharanau sharanam prapadye

sapremabhīti kamalākarapallavābhyāṃ
saṃvāhane'pi sapadi klamamādadhānau
kāntāvavāṅmanasagocarasaukumāryau
śrīveṅkaṭeśacaraṇau śaraṇaṃ prapadye

8

लक्ष्मीमहीतदनुरूपनिजानुभाव-
-नीलादिदिव्यमहिषीकरपल्लवानाम्
आरुण्यसङ्क्रमणतः किल सान्द्ररागौ
श्रीवेङ्कटेशचरणौ शरणं प्रपद्ये

లక్ష్మీమహీతదనురూపనిజానుభావ-
-నీలాదిదివ్యమహిషీకరపల్లవానామ్
ఆరుణ్యసంక్రమణతః కిల సాంద్రరాగౌ
శ్రీవేంకటేశచరణౌ శరణం ప్రపద్యే

lakshmimahitadanurupanijanubhava-
-niladidivyamahishikarapallavanam
arunyasankramanatah kila sandraragau
shrivenkateshacharanau sharanam prapadye

lakṣmīmahītadanurūpanijānubhāva-
-nīlādidivyamahiṣīkarapallavānām
āruṇyasaṅkramaṇataḥ kila sāndrarāgau
śrīveṅkaṭeśacaraṇau śaraṇaṃ prapadye

9

नित्यान्नमद्विधिशिवादिकिरीटकोटि-
-प्रत्युप्तदीप्तनवरत्नमहःप्ररोहैः
नीराजनाविधिमुदारमुपादधानौ
श्रीवेङ्कटेशचरणौ शरणं प्रपद्ये

నిత్యాన్నమద్విధిశివాదికిరీటకోటి-
-ప్రత్యుప్తదీప్తనవరత్నమహఃప్రరోహైః
నీరాజనావిధిముదారముపాదధానౌ
శ్రీవేంకటేశచరణౌ శరణం ప్రపద్యే

nityannamadvidhishivadikiritakoti-
-pratyuptadiptanavaratnamahahprarohaih
nirajanavidhimudaramupadadhanau
shrivenkateshacharanau sharanam prapadye

nityānnamadvidhiśivādikirīṭakoṭi-
-pratyuptadīptanavaratnamahaḥprarohaiḥ
nīrājanāvidhimudāramupādadhānau
śrīveṅkaṭeśacaraṇau śaraṇaṃ prapadye

10

विष्णोः पदे परम इत्युदित प्रशंसौ
यौ मध्व उत्स इति भोग्यतयाऽप्युपात्तौ
भूयस्तथेति तव पाणितलप्रदिष्टौ
श्रीवेङ्कटेशचरणौ शरणं प्रपद्ये

విష్ణోః పదే పరమ ఇత్యుదిత ప్రశంసౌ
యౌ మధ్వ ఉత్స ఇతి భోగ్యతయాఽప్యుపాత్తౌ
భూయస్తథేతి తవ పాణితలప్రదిష్టౌ
శ్రీవేంకటేశచరణౌ శరణం ప్రపద్యే

vishnoh pade parama ityudita prashansau
yau madhva utsa iti bhogyatayapyupattau
bhuyastatheti tava panitalapradishtau
shrivenkateshacharanau sharanam prapadye

viṣṇoḥ pade parama ityudita praśaṃsau
yau madhva utsa iti bhogyatayā'pyupāttau
bhūyastatheti tava pāṇitalapradiṣṭau
śrīveṅkaṭeśacaraṇau śaraṇaṃ prapadye

11

पार्थाय तत्सदृशसारथिना त्वयैव
यौ दर्शितौ स्वचरणौ शरणं व्रजेति
भूयोऽपि मह्यमिह तौ करदर्शितौ ते
श्रीवेङ्कटेशचरणौ शरणं प्रपद्ये

పార్థాయ తత్సదృశసారథినా త్వయైవ
యౌ దర్శితౌ స్వచరణౌ శరణం వ్రజేతి
భూయోఽపి మహ్యమిహ తౌ కరదర్శితౌ తే
శ్రీవేంకటేశచరణౌ శరణం ప్రపద్యే

parthaya tatsadrishasarathina tvayaiva
yau darshitau svacharanau sharanam vrajeti
bhuyopi mahyamiha tau karadarshitau te
shrivenkateshacharanau sharanam prapadye

pārthāya tatsadṛśasārathinā tvayaiva
yau darśitau svacaraṇau śaraṇaṃ vrajeti
bhūyo'pi mahyamiha tau karadarśitau te
śrīveṅkaṭeśacaraṇau śaraṇaṃ prapadye

12

मन्मूर्ध्नि कालियफणे विकटाटवीषु
श्रीवेङ्कटाद्रिशिखरे शिरसि श्रुतीनाम्
चित्तेऽप्यनन्यमनसां सममाहितौ ते
श्रीवेङ्कटेशचरणौ शरणं प्रपद्ये

మన్మూర్ధ్ని కాలియఫణే వికటాటవీషు
శ్రీవేంకటాద్రిశిఖరే శిరసి శ్రుతీనామ్
చిత్తేఽప్యనన్యమనసాం సమమాహితౌ తే
శ్రీవేంకటేశచరణౌ శరణం ప్రపద్యే

manmurdhni kaliyaphane vikatatavishu
shrivenkatadrishikhare shirasi shrutinam
chittepyananyamanasam samamahitau te
shrivenkateshacharanau sharanam prapadye

manmūrdhni kāliyaphaṇe vikaṭāṭavīṣu
śrīveṅkaṭādriśikhare śirasi śrutīnām
citte'pyananyamanasāṃ samamāhitau te
śrīveṅkaṭeśacaraṇau śaraṇaṃ prapadye

13

अम्लानहृष्यदवनीतलकीर्णपुष्पौ
श्रीवेङ्कटाद्रिशिखराभरणायमानौ
आनन्दिताखिलमनोनयनौ तवैतौ
श्रीवेङ्कटेशचरणौ शरणं प्रपद्ये

అమ్లానహృష్యదవనీతలకీర్ణపుష్పౌ
శ్రీవేంకటాద్రిశిఖరాభరణాయమానౌ
ఆనందితాఖిలమనోనయనౌ తవైతౌ
శ్రీవేంకటేశచరణౌ శరణం ప్రపద్యే

amlanahrishyadavanitalakirnapushpau
shrivenkatadrishikharabharanayamanau
ananditakhilamanonayanau tavaitau
shrivenkateshacharanau sharanam prapadye

amlānahṛṣyadavanītalakīrṇapuṣpau
śrīveṅkaṭādriśikharābharaṇāyamānau
ānanditākhilamanonayanau tavaitau
śrīveṅkaṭeśacaraṇau śaraṇaṃ prapadye

14

प्रायः प्रपन्नजनताप्रथमावगाह्यौ
मातुः स्तनाविव शिशोरमृतायमानौ
प्राप्तौ परस्परतुलामतुलान्तरौ ते
श्रीवेङ्कटेशचरणौ शरणं प्रपद्ये

ప్రాయః ప్రపన్నజనతాప్రథమావగాహ్యౌ
మాతుః స్తనావివ శిశోరమృతాయమానౌ
ప్రాప్తౌ పరస్పరతులామతులాంతరౌ తే
శ్రీవేంకటేశచరణౌ శరణం ప్రపద్యే

prayah prapannajanataprathamavagahyau
matuh stanaviva shishoramritayamanau
praptau parasparatulamatulantarau te
shrivenkateshacharanau sharanam prapadye

prāyaḥ prapannajanatāprathamāvagāhyau
mātuḥ stanāviva śiśoramṛtāyamānau
prāptau parasparatulāmatulāntarau te
śrīveṅkaṭeśacaraṇau śaraṇaṃ prapadye

15

सत्त्वोत्तरैः सततसेव्यपदाम्बुजेन
संसारतारकदयार्द्रदृगञ्चलेन
सौम्योपयन्तृमुनिना मम दर्शितौ ते
श्रीवेङ्कटेशचरणौ शरणं प्रपद्ये

సత్త్వోత్తరైః సతతసేవ్యపదాంబుజేన
సంసారతారకదయార్ద్రదృగంచలేన
సౌమ్యోపయంతృమునినా మమ దర్శితౌ తే
శ్రీవేంకటేశచరణౌ శరణం ప్రపద్యే

sattvottaraih satatasevyapadambujena
sansaratarakadayardradriganchalena
saumyopayantrimunina mama darshitau te
shrivenkateshacharanau sharanam prapadye

sattvottaraiḥ satatasevyapadāmbujena
saṃsāratārakadayārdradṛgañcalena
saumyopayantṛmuninā mama darśitau te
śrīveṅkaṭeśacaraṇau śaraṇaṃ prapadye

16

श्रीश श्रिया घटिकया त्वदुपायभावे
प्राप्ये त्वयि स्वयमुपेयतया स्फुरन्त्या
नित्याश्रिताय निरवद्यगुणाय तुभ्यं
स्यां किङ्करो वृषगिरीश न जातु मह्यम्

శ్రీశ శ్రియా ఘటికయా త్వదుపాయభావే
ప్రాప్యే త్వయి స్వయముపేయతయా స్ఫురంత్యా
నిత్యాశ్రితాయ నిరవద్యగుణాయ తుభ్యం
స్యాం కింకరో వృషగిరీశ న జాతు మహ్యమ్

shrisha shriya ghatikaya tvadupayabhave
prapye tvayi svayamupeyataya sphurantya
nityashritaya niravadyagunaya tubhyam
syam kinkaro vrishagirisha na jatu mahyam

śrīśa śriyā ghaṭikayā tvadupāyabhāve
prāpye tvayi svayamupeyatayā sphurantyā
nityāśritāya niravadyaguṇāya tubhyaṃ
syāṃ kiṅkaro vṛṣagirīśa na jātu mahyam

1

श्रियः कांताय कळ्याणनिधये निधयेऽर्थिनाम्
श्रीवेंकटनिवासाय श्रीनिवासाय मंगळम्

శ్రియః కాంతాయ కళ్యాణనిధయే నిధయేఽర్థినామ్
శ్రీవేంకటనివాసాయ శ్రీనివాసాయ మంగళమ్

shriyah kantaya kalyananidhaye nidhayerthinam
shrivenkatanivasaya shrinivasaya mangalam

śriyaḥ kāṃtāya kal̤yāṇanidhaye nidhaye'rthinām
śrīveṃkaṭanivāsāya śrīnivāsāya maṃgal̤am

2

लक्ष्मी सविभ्रमालोकसुभ्रूविभ्रमचक्षुषे
चक्षुषे सर्वलोकानां वेंकटेशाय मंगळम्

లక్ష్మీ సవిభ్రమాలోకసుభ్రూవిభ్రమచక్షుషే
చక్షుషే సర్వలోకానాం వేంకటేశాయ మంగళమ్

lakshmi savibhramalokasubhruvibhramachakshushe
chakshushe sarvalokanam venkateshaya mangalam

lakṣmī savibhramālokasubhrūvibhramacakṣuṣe
cakṣuṣe sarvalokānāṃ veṃkaṭeśāya maṃgal̤am

3

श्रीवेंकटाद्रिशृंगाग्र मंगळाभरणांघ्रये
मंगळानां निवासाय वेंकटेशाय मंगळम्

శ్రీవేంకటాద్రిశృంగాగ్ర మంగళాభరణాంఘ్రయే
మంగళానాం నివాసాయ వేంకటేశాయ మంగళమ్

shrivenkatadrishringagra mangalabharananghraye
mangalanam nivasaya venkateshaya mangalam

śrīveṃkaṭādriśṛṃgāgra maṃgal̤ābharaṇāṃghraye
maṃgal̤ānāṃ nivāsāya veṃkaṭeśāya maṃgal̤am

4

सर्वावयवसौंदर्यसंपदा सर्वचेतसाम्
सदा सम्मोहनायास्तु वेंकटेशाय मंगळम्

సర్వావయవసౌందర్యసంపదా సర్వచేతసామ్
సదా సమ్మోహనాయాస్తు వేంకటేశాయ మంగళమ్

sarvavayavasaundaryasampada sarvachetasam
sada sammohanayastu venkateshaya mangalam

sarvāvayavasauṃdaryasaṃpadā sarvacetasām
sadā sammohanāyāstu veṃkaṭeśāya maṃgal̤am

5

नित्याय निरवद्याय सत्यानंदचिदात्मने
सर्वांतरात्मने श्रीमद्वेंकटेशाय मंगळम्

నిత్యాయ నిరవద్యాయ సత్యానందచిదాత్మనే
సర్వాంతరాత్మనే శ్రీమద్వేంకటేశాయ మంగళమ్

nityaya niravadyaya satyanandachidatmane
sarvantaratmane shrimadvenkateshaya mangalam

nityāya niravadyāya satyānaṃdacidātmane
sarvāṃtarātmane śrīmadveṃkaṭeśāya maṃgal̤am

6

स्वतस्सर्वविदे सर्वशक्तये सर्वशेषिणे
सुलभाय सुशीलाय वेंकटेशाय मंगळम्

స్వతస్సర్వవిదే సర్వశక్తయే సర్వశేషిణే
సులభాయ సుశీలాయ వేంకటేశాయ మంగళమ్

svatassarvavide sarvashaktaye sarvasheshine
sulabhaya sushilaya venkateshaya mangalam

svatassarvavide sarvaśaktaye sarvaśeṣiṇe
sulabhāya suśīlāya veṃkaṭeśāya maṃgal̤am

7

परस्मै ब्रह्मणे पूर्णकामाय परमात्मने
प्रयुंजे परतत्त्वाय वेंकटेशाय मंगळम्

పరస్మై బ్రహ్మణే పూర్ణకామాయ పరమాత్మనే
ప్రయుంజే పరతత్త్వాయ వేంకటేశాయ మంగళమ్

parasmai brahmane purnakamaya paramatmane
prayunje paratattvaya venkateshaya mangalam

parasmai brahmaṇe pūrṇakāmāya paramātmane
prayuṃje paratattvāya veṃkaṭeśāya maṃgal̤am

8

आकालतत्त्वमश्रांतमात्मनामनुपश्यताम्
अतृप्त्यमृतरूपाय वेंकटेशाय मंगळम्

ఆకాలతత్త్వమశ్రాంతమాత్మనామనుపశ్యతామ్
అతృప్త్యమృతరూపాయ వేంకటేశాయ మంగళమ్

akalatattvamashrantamatmanamanupashyatam
atriptyamritarupaya venkateshaya mangalam

ākālatattvamaśrāṃtamātmanāmanupaśyatām
atṛptyamṛtarūpāya veṃkaṭeśāya maṃgal̤am

9

प्रायस्स्वचरणौ पुंसां शरण्यत्वेन पाणिना
कृपयाऽऽदिशते श्रीमद्वेंकटेशाय मंगळम्

ప్రాయస్స్వచరణౌ పుంసాం శరణ్యత్వేన పాణినా
కృపయాఽఽదిశతే శ్రీమద్వేంకటేశాయ మంగళమ్

prayassvacharanau punsam sharanyatvena panina
kripayadishate shrimadvenkateshaya mangalam

prāyassvacaraṇau puṃsāṃ śaraṇyatvena pāṇinā
kṛpayā''diśate śrīmadveṃkaṭeśāya maṃgal̤am

10

दयामृततरंगिण्यास्तरंगैरिव शीतलैः
अपांगैः सिंचते विश्वं वेंकटेशाय मंगळम्

దయామృతతరంగిణ్యాస్తరంగైరివ శీతలైః
అపాంగైః సించతే విశ్వం వేంకటేశాయ మంగళమ్

dayamritataranginyastarangairiva shitalaih
apangaih sinchate vishvam venkateshaya mangalam

dayāmṛtataraṃgiṇyāstaraṃgairiva śītalaiḥ
apāṃgaiḥ siṃcate viśvaṃ veṃkaṭeśāya maṃgal̤am

11

स्रग्भूषांबरहेतीनां सुषमावहमूर्तये
सर्वार्तिशमनायास्तु वेंकटेशाय मंगळम्

స్రగ్భూషాంబరహేతీనాం సుషమావహమూర్తయే
సర్వార్తిశమనాయాస్తు వేంకటేశాయ మంగళమ్

sragbhushambarahetinam sushamavahamurtaye
sarvartishamanayastu venkateshaya mangalam

sragbhūṣāṃbarahetīnāṃ suṣamāvahamūrtaye
sarvārtiśamanāyāstu veṃkaṭeśāya maṃgal̤am

12

श्रीवैकुंठविरक्ताय स्वामिपुष्करिणीतटे
रमया रममाणाय वेंकटेशाय मंगळम्

శ్రీవైకుంఠవిరక్తాయ స్వామిపుష్కరిణీతటే
రమయా రమమాణాయ వేంకటేశాయ మంగళమ్

shrivaikunthaviraktaya svamipushkarinitate
ramaya ramamanaya venkateshaya mangalam

śrīvaikuṃṭhaviraktāya svāmipuṣkariṇītaṭe
ramayā ramamāṇāya veṃkaṭeśāya maṃgal̤am

13

श्रीमत्सुंदरजामातृमुनिमानसवासिने
सर्वलोकनिवासाय श्रीनिवासाय मंगळम्

శ్రీమత్సుందరజామాతృమునిమానసవాసినే
సర్వలోకనివాసాయ శ్రీనివాసాయ మంగళమ్

shrimatsundarajamatrimunimanasavasine
sarvalokanivasaya shrinivasaya mangalam

śrīmatsuṃdarajāmātṛmunimānasavāsine
sarvalokanivāsāya śrīnivāsāya maṃgal̤am

14

मंगळाशासनपरैर्मदाचार्यपुरोगमैः
सर्वैश्च पूर्वैराचार्यैः सत्कृतायास्तु मंगळम्

మంగళాశాసనపరైర్మదాచార్యపురోగమైః
సర్వైశ్చ పూర్వైరాచార్యైః సత్కృతాయాస్తు మంగళమ్

mangalashasanaparairmadacharyapurogamaih
sarvaishcha purvairacharyaih satkritayastu mangalam

maṃgal̤āśāsanaparairmadācāryapurogamaiḥ
sarvaiśca pūrvairācāryaiḥ satkṛtāyāstu maṃgal̤am